توركیا چەندین جۆرە یاری كێبەركێی یانسیب و بەختی تێدایە،واتە تاقیكردنەوەی شانسو بەختی خۆت بە جۆرەها شێوە،بۆنمونە كێ بەركێی ئەسپ، لۆتۆ ، تۆتۆ، وە یاریەكانی تۆپی پێ ،لەگەڵ جۆرەها یاری تر ، كە حكومەت پارەی پێ پەیدا دەكا. دیارە بۆ ڕێكخستنی ئەم جۆرە كێبەركێیانەش حكومەت سێ جۆرە یانەی بۆ بەڕێوەبردنیان دروستكردووە،یەكەمیان: كشتوكاڵ و ئیشو كاری لادێكان . ئەمەیان وەزارەتی كشتوكال و كاروباری لادێكان سەرپەرشتی كێبەركێی ئەسپەكان دەكات،لە توركیا لەهەموو شارێكدا كێبەركێی ئەسپ هەیەو هەریەكە پارە لەسەر ئەسپێك دادەنێ و پێی وایە ئەو ئەسپە دەیباتەوە. دووەمیان: فەرمانگەی میللی یانسیب و بەختە،ئەم فەرمانگەیەش سەرپەرشتی بەڕێوەبردنی لۆتۆ و تۆتۆ هەموو جۆرە یانسیب و كێبەركێیەك دەكات . سێیەمیان: بەڕێوەبەرایەتی گشتی یانەی گەنجان و وەرزش، ئەمەش سەرپەرشتی جۆرەكانی تری یانسیبێك دەكات كە پەیوەندی بە بەڕێوەبردنی تۆپی پێوە هەیە.
لەتوركیا حكومەت پارەیەكی زۆری لە یانسیب و بەخت تاقیكردنەوە دەست دەكەوێت،ئەم جۆرە یارییانە باجێكی زۆریان دێتە سەر كە لەلایەن حكومەتەوە بڕەكەی دیاریكراوەو لەلایەن خەزینەوە وەردەگرێت . ئەمەش هەمووی دەگەڕێتەوە بۆ باجی شانس و بەخت،بۆنمونە لە كێبەركێی وەرزش حكومەت لەسەدا پێنج %5 باج وەردەگرێ،لە كێبەركێی نێوان ئەسپەكان حكومەت لەسەدا %7 حەوت باجوەردەگرێ ، وەلە كێبەركێكانی تری وەكو لۆتۆ و تۆتۆ، حكومەت لە سەداپێنج %5 باج وەردەگرێ. ئەنجومەنی وەزیرانیش دەسەڵاتی تەواوی ئەوەی هەیە،كە هەركاتێك بیەوێ ،بەبڕی یەك بەیەك باجەكە زیاد بكات،سەرباری هەموو ئەو باجانەی باسمانكردن كە حكومەت وەریدەگرێ. هێشتا سەرباری ئەوانەش، حكومەت لەسەدا هەژدە %18 باجی،KDVلەم یانەو ناوەندانەی كێبەركێ و دامودەزگاكانی شانسو بەختی تر وەردەگرێ،بەمەش حكومەت ساڵانە داهاتێكی یەكجار زۆری دەست دەكەوێ ، كە دەتوانێ بەم بڕە پارەیە گۆڕەپانەكان و فەرمانگە حكومییەكانی پێ نۆژەنبكاتەوەو لەگەڵ سیانەی فەرمانگەكان و دورستكردنەوەی جۆرەها بینای تازەش كە بۆ حكومەت و دەزگاكانی پێویست و جێگای بایەخن .
Kurdish