لای هەموان ئاشكرایە بۆن و تامی نەوت پەیداكەرو موگناتیزی ڕاكێشانی دۆست و دەسگیرانە ، ئەگەر نا كاتێ تەنوری ئەنفال مرۆڤی كوردی ئەكردە سوتەمەنی، كاتێك دكتاتۆریەت و شۆڤینیزم ئەم وڵاتەیان سوتماك ئەكرد ئەوانەی ئەمڕۆ سنگی دۆستایەتیان بۆ كورد دەرئەپەڕێنن وپاڵپاڵێنی ئەوەیانە دڵسۆزی و دۆستایەتی خۆیان بسەلمێنن ، بە زمانی جۆراو جۆر بە شانوباڵی پێشمەرگەدا هەڵ ئەدەن ! هەر ئەوان نەبون كاتێ عەلی كیمیاوی لە كۆمپانیاكانی ئەوان جۆرەها چەكی كۆمەڵ كوژی كیمیاوی ئەكڕی و ئەیكرد بە سەر ژن ومناڵی كوردا ، لە میدیا كانیانەوە ئەیان ووت دڵنیا نین كە ڕژێمی عێراق تاوانی وای ئەنجام دابێت !
ئەم جۆرە بیانوە هەرزان بەهایە لای تاكی كورد زۆر ئاشكرابو ، لە بەر هۆیەكی سادەو ساكار ئەویش بازاڕی ئەوان گەرم بێت ، ئیتر ئاشی دكتاتۆریەت مرۆڤی كورد ئەهاڕێت یا نا گرنگ نیەو ، مافی مرۆڤ ئەو مانشێتەیە تەنها بۆ سەر لاپەڕەی ڕۆژنامەو شاشەی تی ڤی جوانە .
ئێستاش كاتێ سیاسەت ڕویەكی ڕەشتری بۆ چینێكی تری ئەم خەڵكە ئاشكرا ئەبێت دەستی قوماربازانی سیاسەت ئەكەوێتە ڕوو ، هەڵلوشەرانی سامانی ئەم وڵاتە ، كۆمپانیاكانیان بە جۆرێك لەم وڵاتە ڕەشماڵیان هەڵداوە ، هەڕەشەی تیرۆری داعشیش نایان لەقێنێ ، بەڵام ئەوەی پرسیارە گەورەكەیە ، ئەو وڵاتانە بەچاوێكی دور لە دبلۆمات و هاوشانی سیاسی بەرژەوەندی هاوبەش ، ئەڕواننە وڵاتەكەو خەڵكەكەی .
من لێرەدا ئاماژە بە بابەتێك ئەدەم كە گرنگی تایبەتی هەیەو هەڵوێستەیەكی ئەوێت لە سێ لایەنەوە، كە لەم باسەدا تەنها ئەو خاڵەی پەیوەندی بە ڤیزاو هاتوچۆی خەڵكی كوردستان و خەڵكی ئەو وڵاتانەوە هەیە كە لە كوردستان كونسوڵخانەیان هەیەو باس لە دۆستایەتی و خەمخۆری و هاوسۆزی خۆیان ئەكەن بۆ كورد !!!
١ــ لە لایەن حكومەتی هەرێمی كوردستانەوە وا پێویست ئەكات بە عورفی پەیوەندی و بەرژەوەندی هاوبەش مامەڵە لە گەڵ ئەو وڵاتانەدا بكرێت . ئەوان باڵاو لۆرد نەبن ئێمەش بەندە و دەسو پێوەند ، بەڵگەش بۆ ئەم پرسە ئەوەیە ، كاتێك ئەوان دێنە ئەم وڵاتە هیچ جۆرە سانسۆرێك نیەو بە تەشریف هێنانی كەسێكی ئەوروپایی دەمو دەست بەڕێزەوە ڤیزای (١٥ ) ڕۆژ ئەخرێتە سەر پاسپۆرتەكانیان ، لە پچوكترین تاكی كوردەوە رێزیان لێئەگرێ تا ئەگاتە سەر بەرپرسان و حكومەت تەنانەت بینینی كەسانی پلە باڵا لە سیاسیەكان و حكومەت و ژوورە بازرگانیەكان دەرگایان ئاوەڵایە لە ئاستیاندا، بۆیە پێداچونەوەو ڕێك خستنی پەیوەندی دروست و پێویستە.
٢ــ لەلایەن خەڵكی كوردستانەوە باشتر وایە بە چاوی هاوشان سەیری بیانیە ئەوروپاییەكان بكرێ نەك وەك باڵاتر ، وە وا نەزانرێت وڵاتەكانی ئەوان شامی شەریفە یا جەنەتولمەئوایە . ئەمانیش یەحیای مەعمەدان یا یەسوعی مەسیحن ، وڵاتانێكی تر زۆرن بەچاوی ڕێزەو ئەڕواننە خەڵكی كوردستان لەكاتێكدا ئەگەر خەڵكی كوردستان ڕوبكەنە هەر وڵاتێك ، ئەوا پارە ئەبەنە ئەو وڵاتەو مایەی خێرو خۆشی ئەبن ، ئەوە قبوڵ نەكەن وە سەردانی ئەو كونسوڵ خانانە نەكەن كە سوكایەتی بە خەڵكی ئەم وڵاتە ئەكەن لەژێر ناوی سیستمدا وە خەڵك لە گەڵ حكومەتی هەرێمدا هاوكاری یەك بكەن تا ئەو لاسەنگیە هاوسەنگ ئەكەنەوە .
٣ــ لەلایەن ئەو وڵاتانەوە كە لەم وڵاتەدا كونسوڵخانەیان هەیە ئەمە خاڵی جەوهەری باسەكەی منە ، لەڕابوردودا . كونسوڵخانەكان خواخوای ئەویان بو زۆرترین خەڵك سەردانی وڵاتەكەیان بكات ، بەڵام ئیستا پێچەوانە بوەتەوە ئەمە جگەلەوەی بە جۆرێك لە جۆرەكان كە بۆنی گەندەڵیشی لێدێ . نمونەی زیندوشم كۆنسوڵخانەی بەریتانیایە كە كەس نازانێت چ ناوێك لەو مامەڵە نادروستە بنێت كە بەرامبەر خەڵكی كورد ئەیكات . كاتێك كەسێك داوای ڤیزایەك ئەكات جگە لە مەسرەفێكی زۆر بۆ وەرگێڕانی گەلێ دۆكۆمێنت كە لە سوكایەتی پێكردن بەولاوە شتێكی تر نیە ، وەك تاپۆی خانو یا موڵك ، ناسنامەوە ڕەگەزنامەی دایك و باوك بۆ كەسێك كەداوای ڤیزای كردوەو تەمەنی نزیك شەست ساڵە ، ناسنامەو ڕەگەزنامەی مناڵ و هاوسەرو ، گرێبەستی هاوسەرگیری ، دۆكۆمێنتی دامەزراندنی كارگە یا كۆمپانیا ، داوای حسابی بانكی ئەكەن لە داوا كار ، كە خۆیان زۆر باشتر لە ئێمە ئەزانن لەم وڵاتەدا خزمەتگوزاری بانكی ئەكتیڤ نیە ، پاشان ناردنی مامەڵەكە بۆ عەممانی پایتەختی ئەردەن بە پۆستدا كە نازانینن بۆ ؟ ئەوەی لە هەموی سەیر ترە ئەو برە پارەیەیە كە بە ناوی رەسمی ڤیزاوە لەلایەن كونسوڵگەریەوە وەر ئەگیرێت و گەڕانەوەی نیە لەكاتێكدا كە ٩٠ % داواكان رەفز ئەكرێت بەهۆكاری بێ هۆ ، لەم حاڵەتەدا وا پێئەچێت مەسرەفی كونسوڵخانەكەیان بەم پارەیە بەرن بەڕێوە ، ئایا ئەمە كڵاو لەسەر نانی داواكارانی ڤیزا نیە ، وە سەرەڕای گشت ئەمانە مۆرێكی ناقۆڵای رەفز ئەنێن بە پاسپۆرتەكەدا كە لە سوكایەتی پێكردن بەول
Kurdish