پەروەردەی سلێمانی ڕۆژتان باش

پاش هەندێ نەسیحەت ووتی ئێمە ماموستا فەرەج عەلی كەریم  ئیشێكی فێر كردوین تاقیمان كردوەتەوە سەركەوتو بوین ئەویش ئەوەیە ، حانوتی مەكتەب ئەكەین  بە مساهمە واتە شەراكەت هەموو قوتابیەك ئەتوانیت سەهم بكرێت و ببێتە  شەریك لە حانوتی مەكتەب نرخی هەر سەهمیك (10)فلسە  ، هیچ تینەگەشتم هاتمەوە بۆ ماڵەوە وەك خۆی گێڕامەوە دایكمو باوكم  گوێیان بۆ شل كردم ووتیان باشە پارەتان ئەدەینێ سەهم بكڕن ، پرسیم ئیوە مامۆستاكان ئەناسن ، باوكم وتی ئەو فەرەجە فەنیە و عەلی ئەفەنی خزممانن .

بە یانی یەكی دیناریكیان داینێ بردمان بۆ ژووری مدیر فەرەجە فەنیم ناسیوە كە خزمانە ، كە پارە كەمان دانی ، ووتی نابیت قوتابیەك لە (50) سەهم زیاتر بكڕێت . ڕیگە نادەین  ، ووشەیەكی عەرەبی ووت تێنەگەشتم بەڵام ئێستا ئەزانم مەخسەدی قۆرغ كاری بوە . یەكی نیودینارو وە پسولەی (50)سەهممان لە باخەڵنا و هاتینەوە، لە باوكمم پرسی ئەو فەرەجە فەنیە كێیە چۆن خزمی ئیمەیە باوكم دیار بوو فەرەجە فەنی خۆش ئەویست ، باسی كە سایەتیەكەی بۆ كردم ، كە وابزانم ئەوە وەڵامی پرسیارەكەی من نەبوو ،  ووتی لە كولییەی هەندەسە لەسەر بزیوی سیاسی دەركراوە ، چۆتە كولییەی حقوق لەوێش، هەر وازی نەهێناو تا دەریان كرد ، دەورەیەكی بینو بووبە مامۆستا ، تا ئێستە سێ چوار جاریش حەپس كراوە ، بە ڕەحەتی دانانیشێ. دایكیشم ووتی باوكیشی هەر وابوو ئەڵێن لە بەغا لە موزاهەرەیەكا  نۆ دەمانچەی ناوە بە هەیكەلەكەی جەنەراڵ مۆدەوە ، هەر لەوەشەوە ناویان ناوە عەلی نۆ دەمانچە ، ئەمانەم بیست تا ئەمڕۆش لە بیرم نەچوەتەوە بەڵام ، لەم دوایانەدا تێگەشتم . 

مامۆستایەكی ترمان هەبوو عەرەبی پێئەوتین ( مامۆستا مستەفا امین احمد) ، ئێستا كە ئەیهێنمەوە یادی خۆم ، حەز ئەكەم كەسێك هەبێت لێی بپرسم ئایا مستەفا فەنی فریشتە بوو یامامۆستا ؟ خۆزگە جوابی ئەو پرسیارەم لە بەڕێوە بەرێتی پەروەردە ببیستایەو بمزانیایە لەو ساڵانەوە چەند مامۆستای وایان پێگەیاندوە ؟

بەچاوی خۆم دیومە بەدەم دەرس وتنەوەوە لە پۆلا جلی دڕاوی قوتابی پینە كردوە قۆپچەی جلی بۆ لیناونەتەوە ، پاش ئەوەش پیاوانی گەڕەكی كۆ ئەكردەوە ، ئیزنی لە فەرەجە فەنی وەرگرتبو ساحەی مەكتەب بە كار بهینێت ، ئێواران وەرزشی بالەو باسكەی پێ ئەكردن دوو تیپی لی دروست كردبوو ، پیاوانی گەڕەكیش زۆر حۆشحال بوون . 

مامۆستایەكی ترمان هەبوو ( عەبدوڵا حەمە سور ) میژووی پێئەوتین قەمەرەیەكی هەبوو بیرمە ڕۆژانی باران مناڵانی نزیك ماڵی خۆیانی سوار ئەكردو ئەیبردنەوە ، ئَێمەش ئیرەییمان بە هاوڕێكانمان ئەبرد . حەزمان لەوە بو ماڵمان نزیك ماڵ عەبدوڵافەنی بوایە . 

تا لەساڵی 1995 بەر پرسیكی حكومەتی هەرێم بیرۆكەی ئەوەی لا دروستت بوبو مەكتەبی غازی كۆن بكریتە شۆینێكی مێژوییو كلتوری كە من خۆم بە كارێكی زۆر باشم ئەزانیو بە وەفایی و دڵسۆزی ئەو پیاوەشم بۆ دەركەوت بۆ شارەكەی ، بۆ ئەو مەبەستەش پەیوەندی كردبوو بە خوا لێخۆشبو مامۆستا عوسمان چێوارەوە  . ئەویش بە منی ووت ، هەرسیكمان چوین بۆ مەكتەبی ناوبراو .، كورد واتەنی كە چوین دوژمن لە ماڵت نائومێد ، چی ببینین داڕوخاو پشت گوێخراو ، پاش ماوەیەكی كورت بەرپرسەكە لە وەزیفەی حوكمەتا نەماو بیرۆكەكەش چوە خانەی بیرچونەوەوە خۆزگە ئەم حكومەتە ئەو پرۆژەیەی لە یاد نەكردایە ،  پاش قسەوباسی بیرۆكەكە قسەی لاوەكیمان دەستی پێكردو  بەر پرسەكە ڕووی كردە چێوارو ووتی مامۆستایەك هەبوو، یەكەم مامۆستا بوو (قیام و جلوسی) گۆڕیبوبە (    ڕۆژتان باش  …….  ژیانت باش     )  ناوی فەرەجە فەنی بوو  ، بروسكە ئاسا وەك بوبمەوە  بە مناڵ  چوبمەوە بۆ ژووری مدیرو فەرەجە فەنی هەر وەك خۆی شیك پۆش ببینم بڕیارم دا بكەومە دوای  ( ڕۆژتان باش    ژیانت باش )

بۆم دەركەوت فەرەجەفەنی پاش ئەوەی ئەم نەریتە فیری مناڵان ئەكات، خێرەومەن لێی ئەنوسن  ، نەقڵی ئەكەن بۆ دهۆك  كاتێ ئەمری نەقڵە كەی ئەدەنێ  ئەڵێت زۆرم پێخۆشە ئەچم لەوێش مناڵان فێری( ڕۆژباش  ژیانتانباش ) ئەكەم. 

هەروەها ئەو قازانجە چەورەشم &nb