وەزارەتی کشتوکاڵ و سەرچاوەکانی ئاوی حکوومەتی هەرێمی کوردستان بەرهەمی کشتوکاڵیی کوردستان لە شاری دوبەی لە ئیمارات، نمایش کرد.
بەپێی راگەیەندراوێکی وەزارەتی کشتوکاڵ، کە رۆژی پێنجشەممە 14/12/2017 بڵاو کراوەتەوە لە پێشانگاکەدا، کە لە رۆژی 11/12/2017 لە دوبەی کرایەوە و سێ رۆژ بەردەوام بوو، 171 کۆمپانیا لە 50 وڵات بەشدار بوون.
هەروەک لە راگەیەندراوەکەدا هاتووە، لە پێشانگاکەدا، کە وەزارەتی کشتوکاڵ بە هەماهەنگیی ژوورە بازرگانییەکانی هەرێمی کوردستان تێیدا ئامادە بوو، هەنار، سرکەی هەنار، باوی (بادەم)، هەنگوینی شاخ، سماق و زەیتوونی نمایش کردبوو.
Kurdish