زەوی لە چەند پلێتێك پێكدێت ، ئەم پلێتانە بەهۆی جوڵەی پێچەوانەوە بەر یەك دەكەون و دەبێتە هۆی دروستبونی لەرزینەوەی زەوی، بەهۆی ئەوەی ناتوانرێت پێشبینی ڕوودانی بوومەلەرزە بكرێت، ئەوە پێویستە لە كاتی ڕوودانیدا پێویستە بەم شێوەیە خۆمان بپارێزین لە زیانەكانی:
1- ئەگەر لە ژووەرەوە بوویت، ئەوە بە هیچ شێوەیەك هەولی ڕاكردنە دەرەوە مەدە، چونكە بوومەلەرزەكە كاتێكی كەم دەخایەنێت و توشی بەریەكەوتن دەبیت لەگەل دیوار و رەفەكان.
2- هەوڵبدە لە ژێر مێزدا یان هەر شتێكی ڕەقدا خۆت بپارێزیت.
3- بە هیچ شێوەیەك لای دەرگاو ڕەفەوە مەوەستە، چونكە زۆر ڕەقن و لەكاتی ڕووخاندا بەرت دەكەوێت و توشی برینجار یان مردنت دەكاتەوە.
4- لە پەنجەرەكان دور بكەوەرەوە، چونكە شكانی شوشە زیانت پێدەگەیەنێت.
5- بە هیچ شێوەیەك ئامێری كارەبایی بەكارمەهێنە.
ئەگەر لە بازار بوویت، ئەوە لە ڕەفەكان دوور بكەوەرەوە، ئەگەر لە شوێنێكی قەرەباڵغدا بوویت، ئەوە بچۆرە سەر زەوی و دەست بەسەرەتەوە بگرە.
ئەگەر لە شەقامدا رۆشتیت، ئەوە لە ستونی كارەبایی و بیناو دار دوور بكەوەرەوە.
ئەگەر لە ئۆتۆمبێلدا بووتی، ئەوە لە نزیك دار یان بینا مەوەستەو لە ئۆتۆمبێلەكەدا بمێنەرەوە، چونكە ئۆتۆمبێل ڕەقەو دەتپارێزێت.
ئەگەر لە یاریگا یان هۆلی شانۆیدا بوویت و قەرەباڵغ بوو، هەولی راكردن مەدە، كورسی یان هەر شتێكی رەق بخەرە سەر سەرت.
Kurdish