ئەو زەوییانەی پێشتر بەبریاری ئەنجومەنی پارێزگای سلێمانی فراواكراون و لەسنوری ماستەرپلاندان لەئێستادا بەمەبەستی تاپۆكردنیان نوسراوی رەسمیان بۆ ئەنجومەنی وەزیران و وەزارەتی ناوخۆ بۆ بەرزكراوەتەوە.
لەوبارەیەشەوە (ئەنوەر تاهیر) سەرۆكی ئەنجومەنی پارێزگای سلێمانی رایگیەاند: ئەو زەوییانەی بە یاسا فراوانكراون و گرفتی یاسایی و ئیداریان نیە بە تایبەت كە لەئێستادا فۆریمان هەیە كاری پێویستیان بۆ دەكرێت و تاپۆ دەكرێن.
وتیشی: زەوی ئەو گوندانەی لەماوەی رابردوودا لەلایەن ئەنجومەنی پارێزگای سلێمانیەوە بریاری فراوانكردنیان دراوەو لە چوارچێوەی ماستەرپلاندان هیچ گرفتیان نابێت و هەر كات ئەنجومەنی وەزیران و وەزارەتی ناوخۆ بریاری دەستپێكردنی تاپۆكردنیانی دەركرد بە گوێرەی رێنماییەكان بۆ یان تاپۆ دەكرێت.
ئاماژەی بەوەشدا كە ئەوان وەك ئەنجومەنی پارێزگا ئەركی خۆیان بە جێگەیاندوەو ئەوەی ماوەتەوە بریاری كۆتاییەكە لەدەست ئەنجومەنی وەزیراندایە.
Kurdish