وەزارەتی نەوتی كۆماری ئیسلامی ئێران هەناردەی نەوتی بۆ 27 وڵاتی ئەندامی یەكێتی ئەوروپا راگرت، وەك وەڵامێك بۆ سزاكانی ئەو وڵاتانە لەسەر ئێران.
عەلی رەزا نیكزاد وتەبێژی وەزارەتی نەوتی رایگەیاند سەرەڕای داواكاری زۆرێك لە وڵاتانی ئەوروپی لەسەر كڕینی نەوت، بەڵام لەمەودوا هیچ مامەڵەیەكی نەوتی لەگەڵ ئەو وڵاتانە ئەنجام نادەین.
عەلی رەزا، هۆكاری راگرتنی هەناردەی نەوتی، بۆ گەمارۆكانی ئەو 27 وڵاتە گەڕاندەوە‌و لەسەر وڵاتەكەی.
وتەبێژی وەزارەتی نەوتی ئێران داوای لەسەرجەم هاوبەشەكانی وڵاتەكەی لەهەناردەی نەوت كردوە بەهەمان شێوە نەوت نەنێرن بۆ ئەو 27 وڵاتە ئەوروپیە.
پێشتریش وەزیری نەوتی ئێران رایگەیاندبوو، لە ئەگەری بەردەوامی سزا ئابورییەكان لە دژی وڵاتەكەی، بەگشتی هەناردەی نەوت بۆ دەرەوە رادەگرن.
Kurdish