وتەبێژی حکومەتی عێراق سەعد حەدیسی رایدەگەیەنێت ”بۆ لیستی موچه‌خۆرانی هه‌رێمی كوردستان كاری وردبینیان ته‌واوكردوه‌و چاوه‌ڕێی ڕێككه‌وتنی سیاسین بۆ ڕه‌وانه‌كردنی مووچه”.
كێشه‌كانی نێوان هه‌رێم و به‌غدا تا ئێستا به‌هه‌ڵواسراوی ماوه‌ته‌وه‌و له‌م نێوه‌نده‌شدا هاوڵاتیانی هه‌رێمی كوردستان زه‌ره‌رمه‌ندی یه‌كه‌من ، وته‌بێژی حكومه‌تی عێراقیش چه‌ند زانیاریه‌كان ده‌خاته‌ڕوو .
ئەمرۆ شەممە 2017/12/2 سەعد حەدیسی، وته‌بێژی ئه‌نجومه‌نی وه‌زیرانی عێراق له‌لێدوانێكی رۆژنامه‌وانی وتی: حكومه‌تی عێراقی كاری وردبینی بۆ لیستی موچه‌خۆرانی هه‌رێم ته‌واوكردوه‌و چاوه‌ڕوانی ڕێككه‌وتنی سیاسین له‌گه‌ڵ هه‌رێم تا پاره ڕه‌وانه بكرێت .
وته‌بێژی ئه‌نجومه‌نی وه‌زیرانی عێراق ئاماژه‌ی به‌وه‌كرد: ده‌بێـ رێككه‌وتن بكرێت له‌سه‌ر په‌سه‌ندكردنی پڕۆژه یاسای بودجه‌و هه‌روه‌ها له‌سه‌ر كێشه‌و داواكاریه‌كانی نێوان هه‌رێم و به‌غدا، ئینجا مووچه‌كه ڕه‌وانه ده‌كرێت .
Kurdish