ژوری بازرگانی و پیشەسازی سلێمانی هەوڵی چارەسەركردنی كێشەی ژمارەیەك بازرگان دەدات

بە مەبەستی چارەسەركردنی ئەو كێشە و گیروگرفتانەی لەكاری بازرگانیدا
روبەڕویان بۆتەوە، ئەمرۆ 27-1 ژمارەیەك بازرگان كە لەبوارە جیاوازەكاندا كاردەكەن سەردانی
ژوری بازرگانی و پیشەسازی سلێمانیان كرد و لەگەڵ
سیروان محەمەد سەرۆكی ژوری بازرگانی پیشەسازی سلێمانی كۆبونەوە.

لە كۆبونەوەكەدا بازرگانەكان ئاماژەیان
بۆ ئەوەكرد كە لە مەرزی باشماغ دو ئەوەندی ئەو كرێیەیان لێوەردەگرن كە بۆیاندیاریكراوە،هەروەها
دەڵێن بەهۆی ئەوەی كاڵاكانیان بۆ شاری سلێمانییە بارەكانیان دوادەخەن بەڵام بارەكانی
هەولێر و دهۆك پێشدەخەن ،وەك خۆیان دەڵێن ئەمەش بەهۆی ئەوەوەیە كرێكانی ئەوان زیاترە

لە بەرامبەریشدا سیروان محەمەد سەرۆكی
ژوری بازرگانی و پیشەسازی سلێمانی بەڵێنی پێدان كە بەهەماهەنگی لەگەڵ لایەنە پەیوەندیدارەكاندا،بەدواداچون
بۆ كێشەكانیان بكات و بۆیان چارەسەر بكات

هەوڵدانی ژوری بازرگانی پیشەسازی سلێمانی
بۆ كێشەی ئەو بازرگانانە لەكاتێكدایە كە رۆژانە و لەكاتی دروستبونی هەر كێشەیەك لە
بەڕێوەچونی كارەكانیاندا،بازرگانان و پیشەوەران پەیوەندی بە ژوری بازرگانی وپیشەسازی
سلێمانیەوە دەكەن و دوای كۆبونەوە و گفتوگۆ كێشە و گرفتەكانیان بۆ چارەسەر دەكرێت.