حكومه‌تی سعودیه هاوكاری دارایی پێشكه‌شی ده‌سته‌ڵاتداری فه‌ڵه‌ستین كرد ، له‌مباره‌یه‌وه ماڵپه‌ری ئیلاف به‌یانامه‌یه‌كی ده‌سته‌ڵاتداری فه‌ڵه‌ستینی بڵاوكردۆته‌وه و تییدا ئاماژه به‌وه‌دراوه كه عه‌ره‌بستانی سعودیه سه‌د ملیۆن دۆلار هاوكاری فه‌ڵه‌ستینی كردووه بۆ ده‌ربازبوون له‌و قه‌یرانه دارییه‌ی كه تیی كه‌وتووه .
له ئێستادا ئیسرائیل گه‌مارۆی ئابووری له‌سه‌ر فه‌ڵه‌ستین داناوه و توشی قه‌یرانی دارایی بۆته‌وه به شێوه‌یه‌ك كه وه‌كو سه‌لام فه‌یاز سه‌رۆك وه‌زیرانی فه‌ڵه‌ستین ئاماژه‌ی پێداوه پێویستیمان به سێسه‌د ملیۆن دۆلار مانگانه هه‌یه وه‌كو هاوكاری بۆ ئه‌وه‌ی بتوانین موچه‌ی مانگانه‌ی كارمه‌ندانمان پێبده‌ین كه سه‌د و شه‌ست هه‌زار كارمه‌ندمان هه‌یه و گوتیشی له ئێستادا سعودیه بری سه‌د ملیۆن دۆلاری وه‌كو هاوكاری پێشكه‌ش كردووین .
Kurdish