جەبار لعێبی وەزیری نەوتی عیراق ئاشكرایكرد، رێككەوتنێكی سەرەتاییان لەگەڵ ئێران ئیمزاكردوە، بۆ ئەوەی رۆژانە 30 تا 60 هەزار بەرمیل نەوت لە كێڵگەكانی كەركوكەوە هەناردەی ئێران بكرێت.
وەزیری نەوتی عیراق راشیگەیاند، كۆمپانیای سۆمۆ لەگەڵ لایەنی ئێرانی رێككەوتنێكی سەرەتاییان ئیمزاكردوە، بۆ ئەوەی رۆژانە 30 تا 60 هەزار بەرمیل نەوت لەكێڵگەكانی كەركوكەوە‌و لەرێگەی تانكەرەوە هەناردەی پاڵاوگەی كرماشان بكەن، تا ئەو كاتەی هێڵی راكێشانی بۆریەكەی تەواو دەكرێت، لەبەرامبەریشدا لایەنی ئێرانی هەمان بڕ بەهەمان تایبەتمەندیەوە لەسنوورەكانی باشوورەوە تەسلیمی عیراق دەكاتەوە.
جەبار لعێبی راشیگەیاند، دوای رێككەوتن لەسەر چەند لایەنێكی هونەری‌و جێبەجێكردنی، لەماوەیەكی نزیكدا گرێبەستی كۆتایی هەناردەكردنی نەوتی كەركوك لەگەڵ لایەنی ئێرانی ئیمزا دەكرێت.
Kurdish