ڕێنما بازرگانی شارستانی پێشەسازی گەشتیاری شاری سلێمانی بڵاوکرایەوە کە بۆیەکەمجارە لەدێبەرێکی وادا تواوی زانیاریەکان لەسەر سلێمانی بخاتەڕوو.
سیروان محەمەد سەرۆکی ژووری بازرگانی و پیشەسازی سلێمانی ڕایگەیاند” ئامادەکردنی ڕێنما بازرگانی شارستانی پیشەسازی گەشتیاری شاری سلێمانی ئامادەکردنی ئەحمەد محەمەد ئابڵاخی و یوسف یاسین و بەھاوکاری سەرۆکایەتی شارەوانی سلێمانی و لەسەر ئەرکی ژووری بازرگانی و پیشەسازی سلێمانی بووە”.
ڕاشیگەیاند” ئەم ڕێبەرە زۆر وردە و لە ٧٥٠ پەڕەپێکھاتووە کە سەرجەمی باسی شاری سلێمانی دەکات و وردەکاری تەواوی تێدایە لەسەر گەڕەکەکان و بەڕێوەبەرایەتیەکان و شوێنە خزمەتگوزاریەکانی سلێمانی و کۆمپانیا بازرگانیەکان ئەو شوێنانەی شاری سلێمانی کە جێگەی گرنگ”.
لەڕێبەرەکەدا باس لەسەرەتای دروستبونی شاری سلێمانی و گەڕەکەکانکراوە پاشان باسی ئێستای سلێمانیکراوە کە ٢٤٠٠٠ کم دوجایە و ژمارەی دانیشتوانی ٢٢٧٠٠٠ کەسەو پێکھاتووە لە ١٦ شارۆچکە و ٤٥ دەڤەر و ٧٣ شارەوانی و ٢٥٧٦ گوند کە لە ٤٣% ھەرێمی کوردستانی باشور پێک ئەھێنێت لەسلێمانی ١٤ ناوچەی گەستیاری ھەیە وە ١١٦ ھۆتێل و مۆتێلی تێدایە و ٣٨ کۆمەڵگای گەشت و گوزاری تێدایە وە لە ٣٠% پیشەسازی عێراق پێک دەھێنن.
لەڕێبەرەکەدا باس لە پیشە دەستیەکان و پیشە بچوکەکان سلێمانی کراوە لەگەڵ شەقامە سەرەکیەکان و تەواوی ناوی گەڕەکەکان و ناوی تەواوی موختارەکانی شاری سلێمانی.
بەشێکی تری ڕێنماکە پێکھاتووە لە ناوی تەواوی بازاڕو دوکان و مارکێتەکانی گەڕەکەکان بەپێی ناوچەکان و شوێنەکانی سلێمانی.
Kurdish