ئه‌مڕۆ 4-11-2017 كۆمپانیای ئه‌سێ به ره‌سمی گه‌یشتنی مۆبایلی ئایفۆن ئێكسی راگه‌یاند، كه به به‌راورد به نه‌وه‌كانی پێش خۆی چه‌ندین جیاوازی تێدا كراوه.
باوه‌ڕ جه‌مال لێپرسراوی راگه‌یاندنی كۆمپانیای ئه‌سێ له كۆنگره‌یه‌كی رۆژنامه‌وانیدا گه‌یشتنی مۆبایلی ئایفۆن ئێكسی ڕاگه‌یاند و وتی: كۆمپانیای ئه‌پڵ هه‌وڵیداوه گۆڕانكاری زۆر بكات و له مۆبایلی ئایفۆن ئێكسدا پشت و پاشی كردۆته شوشه، هه‌روه‌ها توانای پاتریه‌كه‌ی به‌رزكردۆته‌وه 2716 میلی ئه‌مپێڕ، به سیسته‌می كارپێكه‌ری ios11 كار ده‌كات و ده‌بڵ كامێرایه به ڕوونمای 13 مێگاپێكسڵ و به ڕه‌نگه‌كانی ڕه‌ش و سپی به‌رده‌سته.
سه‌باره‌ت به نرخه‌كه‌شی به‌رپرسی ڕاگه‌یاندنی كۆمپانیای ئه‌سێ وتی: نرخی مۆبایله‌كه له‌ئێستادا به هه‌زار و599 دۆلار ده‌فرۆشرێت و ئێستا له بازاڕه‌كانی كوردستاندا بوونی هه‌یه.
Kurdish