سکرتاریەتی سەرۆک مام جەلال زیاتر لە 7000هەزار کتێب‌و سەرچاوەی وەک دیاریی سەرۆک مام جەلال گەیاندە کتێبخانەی گشتیی سلێمانی.
لەمبارەیەوە ئالان رەووف بەڕێوەبەری کتێبخانەی گشتیی سلێمانی وتی: هەفتەیەک بەر لەوەفاتی سەرۆک مام جەلال ئەم کتێبانە وەک دیاریی لەلایەن سکرتارییەتی سەرۆک مام جەلال-ەوە گەیەندرایە کتێبخانەی گشتیی سلێمانی بەمەبەستی دەوڵەمەندکردنی کتێب‌و سەرچاوەی جیاجیا لەکتێبخانەکەدا.
ئالان رەووف وتیشی: لەگەڵ سکرتارییەتی بەڕێزیان بەهۆی زۆری کتێبەکانەوە دەستمان کرد بەدابەشکردنی بەسەر کتێبخانە گشتییەکانی پارێزگای سلێمانی‌و هەڵەبجەو دەڤەری گەرمیان‌و راپەڕین‌و کۆیەو زانکۆی سلێمانی.
Kurdish