بەشی باخچەكان لەسەرۆكایەتی شارەوانی سلێمانی ئاشكرای دەكات بەهۆی قەیرانی داریی هەرێمی كوردستانەوە نەیانتوانیوە 630 پرۆژەی باخچەو ڕوبەری سەوزایی تەواو بكەن كە سەرجەمیان كاری دیزاین ونەخشەسازیان بۆ كرابوو.
هاوژین عوسمان ، بەرپرسی بەشی ڕاگەیاندن لە بەشی باخچەكانی شارەوانی سلێمانی رایگەیاند ” ڕوبەری سەوزایی لەسنوری پارێزگای سلێمانی بەو ڕوبەرانەشەوە كە هاوڵاتیان خۆیان سوزیان كردوە تا ئێستا لە ئاستی ستانداردی جیهانیدا نیە و قەیرانی دارایی نەبوایە پلانیان هەبوو تا ئاستێكی باش زیادی بكەن”.
بەرپرسی بەشی ڕاگەیاندنی باخچەكانی سلێمانی وتیشی” قەیرانی دارایی وەك زۆربەی كەرتەكانی دیكە زیانی ژینگەییشی دروستكردوە و بەهۆی نەبوونی بودجەی پێویست بۆ تەواو كردنیان 630پرۆژەی باخچەو ڕوبەری سەوزایی ڕاگیراون كە سەرجەمیان كاری دیزاین و نەخشەسازیان تەواو كرابوو”.
كوردیو
Kurdish