کۆمپانیای “پترۆ چاینە”ی چینی و “تۆتال”ی فەڕەنسی ئامادەن کار لە کێڵگە نەوتییەکانی ناسڕیە لە باشووری عێراق بکەن.
وەزارەتی نەوتی عێراق لە راگەیەندراوێکدا ئاشکرای کردووە: کە کۆمپانیای “پترۆچاینە”ی چینی ئامادەیی دەربڕیوە کە پەرە بە پاڵاوگەی نەوتی ناسڕیە بدات، پاڵاوگەکە بەشێکە لە پۆڕژەیەکی گەورە بۆ پەرەپێدانی یەدەگی نەوت و گاز لە ناسڕیە، لەلایەکی ترەوە کۆمپانیای “تۆتاڵ”ی فەرەنسی ئامادەیی دەربڕیوە کە کار لە پڕۆژەی نەوتی ناسڕیە و کێڵگەی نەوتی”مەجنون” لە پارێزگای بەسرە بکات.
“عەبدولجەبار لعێبی” وەزیری نەوتی عێراق رایگەیاندووە: کە کۆمپانیا جیھانییەکانی بواری وزە دەرفەتی ئەوەیان لەبەردەمدایە کە وەبەرھێنانی گەورە لە عێراق بکەن. وتیشی: عیراق خوازیارە ھەماھەنگی لە کەرتی وزە لەگەڵ فەڕەنسا پەرەپێبدات.
Kurdish