نرخى نه‌وت له بازاڕه‌كانى جیهاندا به‌رزترین نرخى له ماوه‌ى دوو ساڵى ڕابردوودا، تۆمار كرد. ئه‌وه‌ش دواى ئه‌وه‌ى به‌رهه‌مهێنه‌ره سه‌ره‌كییه‌كان، ڕایان گه‌یاند، بازاڕه‌كانى جیهان به‌ره‌و هاوسه‌نگى ده‌ڕوات.
گرێبه‌سته‌كانى خاوى تێكه‌ڵه‌ى برینت 1.5 دۆلار كه ده‌كاته 2.5% به‌رزبووه و گه‌یشته 58.37 دۆلارى ئةمريكي بۆ هه‌ر به‌رمیلێك، ئه‌وه‌ش به‌رزترین نرخه له ته‌مووزى 2015ـه‌وه تۆمار كرابێت.
هاوكات گرێبه‌سته‌كانى خاوى ئه‌مریكی له خۆرئاواى ته‌كساس 1.02 دۆلار كه ده‌كاته 2% به‌رزبووه‌وه و گه‌شته 51.68 دۆلار، ئه‌وه‌ش نزیكه له‌به‌رزترین ئاست له ئایارى ڕابردووه‌وه.
هه‌رچه‌نده نرخى نه‌وت له بازاڕه‌كانى جیهاندا به‌هۆى مه‌ترسى هه‌ڕه‌شه‌كانى توركیا به‌رزبووه‌ته‌وه، كه به‌هۆى ڕیفراندۆمه‌وه هه‌ڵوێستى توندى نواند، به‌ڵام ئه‌مڕۆ ئاژانسى (ڕۆیته‌رز) بڵاویكرده‌وه، كه هه‌نارده‌ى نه‌وتى خاوى هه‌رێمى كوردستان بۆ به‌نده‌رى جه‌یهانى توركى، ئاساییه و هیچ گرفتێك له ئارادا نییه.
Kurdish