بەبۆنەی ئەنجامدانی چالاکییەکانی “رۆژێک بێ ئۆتۆمبێل” کە بۆتە نەریت و هەموو ساڵێک لە بڕۆکسڵی پایتەختی بەلجیکا ئەنجام دەدرێ، شەقام و کۆڵانەکان بەرووی ئۆتۆمبێلەکاندا داخران.
لە کاتژمێر ٠٩:٣٠-١٩:٠٠ رێگاکانی ناوچەی ١٩ی بڕۆکسڵ بە رووی ئۆتۆمبێلەکاندا دادەخرێن. دانیشتووانی شار پۆل پۆل روویانکردە ئەو شەقام و کۆڵانانەی کە ئۆتۆمبێلەکانیان لێ لابردراون.
ژمارەیەک لە هاووڵاتییان بە پیادە دەڕۆن و ژمارەیەکی دیکەیشیان بە پایسکیل هاتوچۆ دەکەن. بە درێژایی رۆژ چەندین چالاکی جۆراوجۆری وەک یاری و پێشبڕکێی وەرزشی ئەنجام دەدرێن.
بەهۆی ئەوەی تەنها رێگە بە پاس، تەکسی و ئۆتۆمبیلی تایبەت دەدرێ بە رێگاکاندا هاتوچۆ بکەن، هاتوچۆکردن بە پاس بۆ هاووڵاتییان بێبەرامبەرە.
Kurdish