له چوارچێوه‌ى نوێكردنه‌وه‌ى هێڵى ئاسمانی عێراق، ئه‌مڕۆ چوار فڕۆكه‌ی جۆری بۆینگ 737ى به‌ده‌ست گه‌یشت.
ئاژانسى هه‌واڵى ئانادۆڵ رایگه‌یاند، له چوارچێوه‌ى رێككه‌وتنه‌كانی نێوان كۆمپانیاى هێڵى ئاسمانى عێراق و كۆمپانیای بۆینگ، ئه‌مڕۆ چوار فڕۆكه‌ى به‌ده‌ست گه‌یشت.
كازم فنجان، وه‌زیرى گواستنه‌وه‌ى عێراق له‌رێوره‌سمى وه‌رگرتنى فڕۆكه‌كان رایگه‌یاند عێراق به مه‌به‌ستی به‌هێزكردن و نوێكردنه‌وه‌ى هێڵى ئاسمانی گرێبه‌ستى كڕینى ژماره‌یه‌ك فرۆكه‌ى له‌گه‌ڵ كۆمپانیاى بۆینگ واژۆكرد.
عێراق ساڵى 2008 گرێبه‌ستێكى كڕینى 45 فڕۆكه‌ى له‌گه‌ڵ كۆمپانیاى بۆینگ واژۆكرد و تائێستاش 16 فڕۆكه‌ی به‌ده‌ست گه‌یشتووه.
Kurdish