نرخی نەوت لەبازاڕەكانی جیهان بەرزبووەوە، ئەوەش بەهۆی زیادبوونی خواست لەسەری‌و كەمبوونەوەی سەكۆ نەوتییەكانی ئەمریكا.
ئاژانسی رۆیتەرز ئەمڕۆ دوو شەممە بڵاویكردووەتەوە، كە نرخی نەوت بۆ دانیشتنی یەكەم لەم هەفتەیە لەبازاڕەكانی جیهان بەرزبووەتەوە، ئەوەش بەهۆی زۆربوونی خواست لەسەری، بەتایبەتی لەلایەن كۆمپانیا چینییەكان، لەگەڵ ئەوەش ژمارە سەكۆ نەوتییەكانی ئەمریكا كەمیكردووە.
بەپێی ئاژانسەكە نرخی نەوتی پێوانەیی برێنتی جیهانی 56 سەنت بەرزبووەتەوەو هەر بەرمیلێكی بە 47.98 دۆلار مامەڵەی پێوەكراوە، كە ئەوە بەرزبوونەوەیەكی باشە تۆماركردووە.
هەر بەپێی ئاژانسەكە، نرخی نەوتی سوكی رۆژئاوای تەكساسی ئەمریكاش 1.15 دۆلار بەرێژەی 2.5% بەرزبووەتەوەو هەر بەرمیلێكی بە 46.11 دۆلار مامەڵەی پێوەكراوە.
چەند رۆژێكە نرخی نەوت رووی لەبەرزبوونەوە كردووە، ئەوەش دوای ئەوەی لەهەفتەی رابردوو نرخەكەی بەرێژەیەكی بەرچاو رووی لەنزمبوونەوە كرد.
Kurdish