حکومەتی هەرێمی کوردستان بە فەرمی تاپۆکردنی خانوی
گوندەکانی ڕاگەیاند بەڵام تائێستا لەسلێمانی دەست پێنەکراوە.
زەردەشت ڕەفیق بەرپرسی ڕاگەیاندنی شارەوانی سلێمانی
بەدواڕۆژی وت” حکومەتی هەرێمی
کوردستان بڕیاری تاپۆکردنی خانوی گوندەکانی ڕاگەیاندووە بەڵام لە ئێستادا لە
شارەوانی سلیمانی نەچوۆتە بواری دەستپێکردنەوە”
وتیشی” تا ئێستا شێوازی وردەکاری دەستپێکردنی
ئەوکارەمان بۆ نەهاتووە بۆیە لە ئێستادا ئێمە چاوەڕوانی وردەکاری ئەو بڕیارەین”
ئاماژەی بەوەشدا سەرۆکایەتی شارەوانی سلێمانی بڕیارەکەی بەدەست گەشتووە بەڵام وردەکاری شێوازی دەستپێکردنی کارەکە نەگەشتووە بەدەستمان.
بەپێی بڕیاری سەرۆکایەتی ئەنجومەنی وەزیران ژمارە ١٩٢٦ لە بەرواری ٢/٥/٢٠١٧ دەرچووە بە یاسای ژمارە ١٠٦ ، ڕوبەری (400) مه‌تر دوجا، بۆ هه‌ر مه‌ترێكی چوار گۆشه، بڕی (15) هه‌زار دینار وه‌رده‌گیرێت له‌و زه‌وییانه‌ی ده‌كه‌ونه سنوری شاره‌وانی مه‌ركه‌زی پارێزگا یان ئیداره‌ی سه‌ربه‌خۆ، بڕی (10) هه‌زار دینار بۆ هه‌ر مه‌ترێكی چوارگۆشه وه‌رده‌گیرێت بۆ ئه‌و زه‌وییانه‌ی ده‌كه‌ونه سنوری شاره‌وانی قه‌زاوه، بڕی (5) هه‌زار دینار وه‌رده‌گیرێت بۆ ئه‌و زه‌ییانه‌ی ده‌كه‌ونه سنوری شاره‌وانی ناحیه‌وه، ئه‌و زه‌وییانه‌شی ده‌كه‌ونه سنووری شاره‌وانییه‌كانی دیكه‌وه، بۆ هه‌ر مه‌ترێكی بڕی (3) هه‌زار دینار وه‌رده‌گیرێت.
Kurdish