وەزارەتی بازرگانی عیراق تەئكیدی كردەوە، ساڵانە بە بەهای 800 ملیۆن دۆلار ئاردی (سفر) هاوردەی وڵات دەكات.
(سەلمان جومەیلی) وەزیری بازرگانی عیراق بەوەكالەت رایگەیاند، وڵاتەكەی ساڵانە بە بەهای 800 ملیۆن دۆلار ئاردی سفر هاوردە دەكات، هەروەها لە كڕینی ئەو جۆرە ئاردەدا بەفەیڕۆدانێكی زۆر بەدی دەكرێت، چونكە لەچەند وڵاتێكەوە دەكڕدرێت كە خۆیان بەرهەمهێنەری گەنم نین وەك كوەیت‌و ئیمارات‌و توركیا.
وتیشی، هاوردەكردنی گەنم لەلایەن دەوڵەتەوە قۆرخ كراوە، چونكە وەزارەتی بازرگانی هەندێكجار لەوڵاتانی دراوسێوە هەر تۆنێك گەنم بەكەمتر لە 200 دۆلار دەكرێت، بەڵام ئێمە هەر تۆنێك گەنمی پلە یەك بە 700 هەزار دینار لەجوتیاری عیراقی دەكڕینەوە.
Kurdish