بەرپرسی گشتی گومركەكانی پارێزگای كرماشان ئاشكرایكرد، لە دوومانگی رابردوودا لەرێگای سنوورەكانی پارێزگای كرماشانەوە بەبەهای زیاتر لە 3 ملیۆن دۆلار كاڵاو شمەك هاوردەی ئێران كراوە.
(خەلیل حەیدەری) بەرپرسی گشتی گومركەكانی پارێزگای كرماشان بەئاژانسی میهری راگەیاندوە، لەدوو مانگی سەرەتایی ساڵی نوێی هەتاویدا بڕی هەزارو 619 تۆن كاڵاو شمەك لەرێگای سنوورەكانی پارێزگای كرماشانەوە هاوردە كراوە.
وتیشی، چین لەپلەی یەكەمی ئەو وڵاتانەدا هاتووە كە كاڵای بۆ ئێران ناردووەو لەو ماوەیەدا بەبەهای 901 هەزار دۆلار شمەكی ناردووەو دوای ئەویش پاكستان لەپلەی دووەمدا هاتووەو بەبەهای 671 هەزار دۆلار كاڵای هەناردەكردووە.
ئەوەشی خستەڕوو، برنج لەریزبەندی یەكەمی ئەو بەرهەمانەدا بووە كە لەرێگای سنوورەكانی پارێزگای كرماشانەوە هاوردەی ئێران كراوە.
Kurdish