لەپێناو ساغكردنەوەی بەروبوومی ناوخۆو بەپێی چەند رێنماییەكی حكومەت، رسوماتی زیادە لەسەر چەند جۆرێكی سەوزەو میوەو شیرەمەنی دادەنرێت.
شاخەوان ئەبوبەكر بەرێوەبەری گومركی باشماخ راگەیاند: بەپێی رێنماییەكانی وەزارەتی كشتوكاڵ و وەزارەتی دارایی هەرێم، رسوماتی زیادە لەسەر چەند بەرهەمێكی سەوزەو میوە و شیرەمەنی دانراوە.
بەرێوەبەری گومركی باشماخ وتیشی، بۆ سەوزە بڕی ٢٥٠ دینار روسومات دانراوە بۆ میوەش بڕی ٣٥٠ دینار بۆ هەر کیلۆ گرامێک، وەرگرتنی ئەو روسوماتە بەردەوام دەبێت تا ئەو كاتەی بەرهەمی ناوخۆیی كەم دەبێتەوە.
شاخەوان ئەبوبەكر ئاماژەی بەوەش کرد: لە ئێستادا لەبەر زۆری بەروبومی شیرەمەنی خۆماڵی باج بۆ بەرهەمە شیرەمەنیەکانیش دانراوە کیلۆیەک ماست بڕی ٥٠٠ دینار باجی بۆ دانراوە ئەم باجەش تاکو ٢٠١٧/٧/١٥ بەردەوام دەبێت.
Kurdish