وەزیری خەزێنەداری ئەمریکا لە کۆبوونەوە لەگەڵ وەزیرانی دارایی وڵاتانی ئەندام لە کۆمەڵەی جی 7 لە ئیتالیا، هاوپەیمانانی واشنتۆن لە سیاسەتە ئابوورییەکانی ئیدارەی ترامپ ئاگادار دەکاتەوە.
بە پێی ئاژانسی هەواڵی ئاسۆشیتێدپرێس، کۆبوونەوەی وڵاتانی جی 7 پێکهاتوو لە وەزیرانی دارایی 7 وڵاتی لە شاری باری ئیتالیا، ئەمڕۆ هەینی 12ی مەی دەستیپێکرد. لەم کۆبوونەوەیدا وەزیری خەزێنەداری ئەمریکا سیاسەت و پلانە ئابوورییەکانی ترامپ بۆ هاوپەیمانانی سەرەکی واشنتۆن شی دەکاتەوە.
کۆبوونەوەی ئەمڕۆی وزیرانی دارای وڵاتانی کۆمەڵەی جی 7، هەل و مەرج بۆ بەڕێوەچوونی کۆبوونەوەیەکی دیکە لە ئاستی سەرۆکان و سەرۆکوەزیران فەراهەم دەکات، کە بڕیار وایە لە رۆژانی 26 و 27ی مانگی مەی، لە تائۆرمینای ئیتالیا فەراهەم دەکات.
کۆبوونەوەی ئەمڕۆ بە ئامادەبوون و بەشداری وەزیرانی دارای وڵاتانی کەنەدا، ئەڵمانیا، فەرەنسا، ئیتالیا، ئەمریکا، بەریتانیا و هەروەها نوێنەرانی یەکێتی ئەوروپا بەڕێوەدەچێت.
Kurdish