حکومەتی هەرێم بە بڕیارێک ئاگاداری بەرێوەبەرایەتی کوالێتی کۆنترۆڵی سلێمانی کردۆتەوە کە کارەکانی ڕابگرێت ئەم بڕیارەش کێشەیەکی گەورەی بۆ بازرگان دروست کردوە.
سیروان محەمەد سەرۆکی ژووری بازرگانی و پێشەسازی سلێمانی لەم بارەیەوە ڕایگەیاند: لەلایەن بازرگانانەوە ئاگادار کراینەوە کە پێان باشە بەرێوبەرایەتی کوالێتی کۆنترۆڵی سلێمانی پشکنین بۆ ئەو کاڵا و کەلوپەلانە بکات کە هاوردەی سلێمانی دەکرێت ئێمەش قامیمقامیەتی سلێمانیمان ئاگادار کردوە و داوای کۆبونەوەیەکی بەپەلەمان کرد.
سیروان محەمەد ڕاشیگەیاند: لەکۆبونەوەکەدا لەگەڵ ئاوات محەمەد قایمقامی سلێمانی وعومه‌ر ئه‌حمه‌د پارێزگاری سلێمانی بەکۆی دەنگ بڕیارماندا کەبەرێوبەرایەتی کوالێتی کۆنترۆڵی سلێمانی بەردەوام بێت لەکارەکانی و پشکنین بۆ سەرجەم ئەو کاڵایانە بکات کە هاوردەی سلێمانی دەکرێت تاکو ئەو کاتەی چەند کۆمپانیایەکی کەرتی تایبەت دەستنیشان دەکرێت بۆ ئەوەی ئەرکەکانی ئەو بەرێوبەرایەتیە لە ئەستۆ بگرن.
Kurdish