زیادكردنی رسومات له سه‌ركارگه‌كان، كاریگه‌ری نه‌رێنی كردووه‌ته سه‌ر ئیش و كاری پیشه‌وه‌ران.
عه‌بدولڕه‌زاق عوسمان به‌رێوه‌به‌ری گشتی وه‌زاره‌تی بازرگانی و پیشه‌سازی هه‌رێم راگه‌یاند: به‌هۆی ئه‌و ریفۆرمه‌ی له وه‌زاره‌ته‌كه‌یان ئه‌نجامیانداوه توانیویانه ملیارێك و 670 ملیۆن دینار بۆ خه‌زێنه‌ی حكومه‌ت بگه‌رێننه‌وه . وتیشی: ئه‌و زیادكردنه‌ی باج له سه‌ر كارگه‌كان له‌لایه‌ن حكومه‌تی هه‌رێم كاریگه‌ری سلبیی كردۆته سه‌ر پیشه‌وه‌ران و به‌و هۆیه‌شه‌وه داوای كه‌مكردنه‌وه‌ی باجه‌كانمان كردووه .
ئاشكراشی كرد له ئێستادا نزیكه‌ی 21 هه‌زار كۆمپانیا و سێ هه‌زار و 700 كارگه له هه‌رێمی كوردستان هه‌یه.
Kurdish