نرخی نه‌وت شه‌وی رابردوو به‌ڕێژه‌ی زیاتر له سه‌دا دوو دابه‌زی و گه‌وره‌ترین دابه‌زینی هه‌فتانه‌ی له‌ماوه‌ی زیاتر له مانگێكدا تۆماركرد.
به‌پێی ئاژانسی رۆیته‌رز، نرخی به‌رمیلێك نه‌وتی برنت كه پێوه‌رێكی جیهانییه، شه‌وی رابردوو له‌كاتی داخستنی بۆرسه‌ی جیهانیدا 1.03 دۆلار كه ده‌كاته رێژه‌ی له‌سه‌دا دوو دابه‌زینی به‌خۆوه بینیوه‌و به 51.96 دۆلار مامه‌ڵه‌ی پێوه‌كراوه.
هه‌روه‌ها نرخی گرێبه‌سته دواخراوه‌كانی نه‌وتی خاوی ئه‌مه‌ریكا به‌ڕێژه‌ی له‌سه‌دا 2.2 دابه‌زیوه‌و گه‌یشتووه‌ته 49.62 دۆلار بۆ هه‌ر به‌رمیلێك.
به‌و پێیه نرخی نه‌وتی برنت له‌م هه‌فته‌یه‌دا به‌ڕێژه‌ی له‌سه‌دا حه‌وت دابه‌زیوه، هه‌روه‌ها خاوی ئه‌مه‌ریكا به‌ڕێژه‌ی له‌سه‌دا 6.7 دابه‌زیوه، كه گه‌وره‌ترین دابه‌زینی هه‌فتانه‌یه له‌ماوه‌ی زیاتر له مانگێكدا.
هۆكاری دابه‌زینی نرخی نه‌وت، سه‌رهه‌ڵدانه‌وه‌ی گومانه‌كانه له‌باره‌ی كاریگه‌ری زیادبوونی ئاستی كۆگاكراوی نه‌وتی ئه‌مه‌ریكا له‌سه‌ر هه‌وڵه‌كانی ئۆپیك بۆ كه‌مكردنه‌وه‌ی نه‌وتی كه‌ڵه‌كه‌بوو له بازاڕه‌كاندا له‌رێگه‌ی كه‌مكردنه‌وه‌ی به‌رهه‌مهێنانه‌وه.
Kurdish