(بەختیار خەلێقی) جێگری كاروباری بازرگانی ڕێكخراوی پیشە‌و كانگا و بازرگانی سنە رایگەیاند، بەبڕی 359 ملیۆن‌و 567 هەزار دۆلار، كاڵا‌و شمەك لە پارێزگای كوردستانەوە هەناردەی دەرەوە كراوە.
(خەلێقی) بە ئاژانسی مێهری راگەیاندوە، هەناردەكردن لەڕووی كێشەوە ٦٦٠ هەزار و ١١٥ تۆن بووە، كە لەچاو ساڵی ڕابردوودا بەڕێژەی لەسەدا 8 كەمیكردووە، هەروەها لەساڵی رابردوودا بەبڕی 2 ملیار‌و 899 ملیۆن دۆلار كاڵا‌و شمەك بەشێوەی ترانزێت لە پارێزگای كوردستانەوە هەناردەكراوە.
جێگری كاروباری بازرگانی ڕێكخراوی پیشە‌و كانگا و بازرگانی سنە ئاماژەی بەوەشكردوە، قەبارەی هاوردە‌و هەناردەكردن بە ترانزێتیشەوە، لە ساڵی رابردوودا گەیشتۆتە 3 ملیار و ٧٦٤ ملیۆن دۆلار.
Kurdish