كۆمپانیای گازپرۆمی روسی ئاشكرای دەكات، بەرهەمهێنانی نەوتی كۆمپانیاكەیان لەهەرێمی كوردستان بەڕێژەی لەسەدا 42 زیادیكردووە.
بەپێی بەیاننامەیەكی كۆمپانیای سترن كە هاوبەشی گازپرۆمە، بەرهەمهێنانی نەوتی خاو لە كێڵگەی سەرقەڵای یەك لەهەرێمی كوردستان بەرێژەی لەسەدا 42 زیادیكردوەو لە ئێستادا رۆژانە نزیكەی 7 هەزار و 100 بەرمیل نەوت لەو كێڵگەیە بەرهەم دەهێنن.
لەبەیاننامەكەدا ئەوەش هاتووە، كە مانگی ئازاری ئەمساڵ كاركردن لەكێڵگەی سەرقەڵای یەك كۆتایی هاتووەو پێشبینیش دەكات لەداهاتوودا بەرهەمهێنانیان زیاتر بكات.كۆمپانیای گازپرۆمی روسی لەساڵی 2010وە هاتۆتە عیراق‌و هەرێمی كوردستان‌و لە بلۆكی نەوتی گەرمیان و هەڵەبجە بەدوای نەوتدا دەگەڕێت‌و سەرقاڵی بەرهەمهێنانی نەوتە.
Kurdish