سه‌رۆكى لیژنه‌ى پیشه‌سازى و وزه له په‌رله‌مانى كوردستان ئاماژە بەوە دەدات کە حكوومه‌ت له برى ئه‌وه‌ى به یاساى نه‌وت و گاز مامه‌ڵه له‌گه‌ڵ ئه‌و كۆمپانیایانه‌دا بكات به یاساى وه‌به‌رهێنان مامه‌ڵه‌یان له‌گه‌ڵ ده‌كات کە ئەوەش زیانی هەیە.
شێركۆ جه‌وده‌ت، سه‌رۆكى لیژنه‌ى پیشه‌سازى و وزه له په‌رله‌مانى كوردستان، بە ئاژانسی وت”وه‌رگرتنى باج له كۆمپانیا نه‌وتییه‌كان گه‌وره‌ترین داهات بۆ حكوومه‌ت ده‌سته‌به‌ر ده‌كات، به‌ڵام حكوومه‌ت له برى ئه‌وه‌ى به یاساى نه‌وت و گاز مامه‌ڵه له‌گه‌ڵ ئه‌و كۆمپانیایانه‌دا بكات به یاساى وه‌به‌رهێنان مامه‌ڵه‌یان له‌گه‌ڵ ده‌كات”
شێركۆ جه‌وده‌ت وتیشی”كۆمپانیا نه‌وتییه‌كان دواى 10 ساڵ له كاركردنیان ئینجا باجیان لێ وه‌رده‌گیرێت له كاتێكدا به پێى یاساى نه‌وت و گاز ده‌بێت له‌گه‌ڵ ده‌ستبه‌كاربوونیاندا باجیان بخرێته سه‌ر به‌پێى ڕێژه‌ى به‌رهه‌میان”
Kurdish