بودجه‌ی‌ عێراق (16) ملیار دۆلار كورت ده‌هێنێت

بریكاری‌ وه‌زاره‌تی‌ دارایی‌ عێراق ئاشكرایكرد، بودجه‌ی‌ گشتی‌ ساڵی‌ داهاتووی‌ عێراق، نزیكه‌ی‌ (16) ملیار دۆلار كورت ده‌هێنێت.

دكتۆر (فازڵ نه‌بی‌) بریكاری‌ وه‌زاره‌تی‌ دارایی‌ حكومه‌تی‌ عێراق رایگەیاند، بودجه‌ی‌ گشتی‌ ساڵی‌ (2013)ی‌ عێراق، به‌بڕی‌ (119) ترلیۆن دینار، واته‌ نزیكه‌ی‌ (16) ملیار دۆلار كورت ده‌هێنێت‌و له‌زیاده‌ی‌ داهاتی‌ نه‌وت كورتهێنانه‌كه‌ پڕده‌كرێته‌وه‌.

بڕی‌ بودجه‌ی‌ گشتی‌ ساڵی (2013)ی‌ عێراق، (119) ترلیۆن‌و (296) ملیار دیناره‌‌و له‌و بڕه‌ پاره‌یه‌ش (14) ترلیۆن‌و (209) ملیار‌و (277) ملیۆن دینار، بۆ بودجه‌ی‌ گشتی‌ هه‌رێمی كوردستان ته‌رخانكراوه‌.