لەدوای هەڵگرتنی سزاكان لەسەریەوە، سێیەمین فڕۆكەی ئێربەس-ی نەفەر هەڵگر لەجۆری ئەی 330 گەیشتە تارانی پایتەختی ئێران.
ئاژانسی هەواڵی ئیرنا رایگەیاند، كە سێهەمین فڕۆكەی گەشتیاری لەنێوان ئەو 200 فڕۆكەیەی كە خۆرئاوا بۆ ئێرانی دروستكردوە لەسەر داوای كۆمپانیای فڕۆكەوانی ئێران ئێر گەیشتە تاران.
ئاماژەی بەەشكردوە، كە فڕۆكەكە لە فڕۆكەخانەی مێهرئاباد لەتاران نیشتووەتەوە، ئەوەش لەكاتێكدایە كە كۆمپانیای ئێران ئێر لە هەوڵی نۆژەنكردنەوەی فڕۆكەكانیدایە كە بەسەرچوون و كۆنبوون.
سەرەتای ئەمساڵیش ئێران دوو فڕۆكەی دیكەی گەشتیاری ئێربەس-ی وەرگرت، كە یەكێكیان لەجۆری ئەی 330 و ئەوی دیكەیان لەجۆری ئەی 321 بوو كە قەبارەكەی بچوكترە.
Kurdish