ساڵانە بەبڕی 750 ملیار دۆلار خۆراك لەسەر ئاستی جیهان بەهەدەر دەدرێت، ئەوەش لەكاتێكدایە بەشێكی ئەو خۆراكە دەتوانێـت سەرجەم برسییەكانی جیهان تێر بكات كە نزیكەی 800 ملیۆن كەسە.
بەگوێرەی ئامارێكی رەسمی، وڵاتی سعودیە بەپلەی یەكەم دێت لەبەهەدەردانی خۆراكداو لەساڵێكدا هەر تاكێكی ئەو وڵاتە لەفڕێدان و بەهەدەردانی خۆراك 427 كیلۆی بەردەكەوێت، دوای ئەویش ئەندەنوسیا بەپلەی دوەم دێت و ساڵانە هەر تاكێك بڕی 300 كیلۆی لە بەهەدەردانی خۆراك بەردەكەوێت، پاشان ئەمریكا بەپلەی سێهەم دێت و هەر تاكێك بڕی 278 كیلۆی بەردەكەوێت لەساڵێكدا.
ئامارەكە ئاماژەی بەوەشداوە، كە ئیمارات بەپلەی چوارەم دێت و بۆ هەر تاكێك لە بەهەدەردانی خۆراك بڕی 196 كیلۆی بەردەكەوێت.
هەروەها ئەوەش خستۆتەڕوو، كە ئەو بڕە خۆراكەی بەهەدەر دەدرێت نزیكەی لەسەدا 33ی خۆراكی جیهانەو بەهاكەی بە 750 ملیار دۆلار مەزەندە دەكرێت لە ساڵێكدا، ئەوەش لەكاتێكدایە لەسەدا 25ی ئەو خۆراكەی بەهەدەر دەدرێت لە دەتوانێت سەرجەم برسییەكانی جیهان تێر بكات، كە ژمارەیان 795 ملیۆن كەسە.
Kurdish