ئەندامێکی ژوور نوێنەرایەتی شاندێکی بازرگانی کوردستان دەکات لەوڵاتی چیک

بەختیار مەحمود مەلا ئەمین ئەندامی ئەنجومەنی ژووری بازرگانی و پیشەسازی سلێمانی لەووڵاتی چیک بە سایتی ژووری بازرگانی و پیشەسازی سلێمانی ڕاگەیاند “ئەمڕۆ ٢٢ / ٣، بەشداریمان کرد لە کونفرانسێکی تایبەت لە شاری برنه  له‌ولاتی چیک کە تیایدا وەک نوێنەری یەکێتی ژوورە بازرگانیەکانی کوردستان وتارێکم پێشکەش کرد کە تیایدا تیشکم خستەسەر ڕەوشی ئێستای ھەرێمی کوردستان و عێراق، باسی قەیرانی ئابوری ھەرێمی کوردستانم کرد کە لەئێستادا ھەموو ھەوڵەکانی حکومەت بۆ باش کردنی ڕەوشی ئابوری کوردستانە و باسمان لە کاری بازرگانی کرد کە شاری سلێمانی کە بەردەوام توانیویەتی لەگەڵ تەواوی وڵاتانی جیھان کاری بازرگانی گەشە پێبدەن و لەڕوی پیشەسازیەوە سلێمانی یەکەمە لەسەر ئاستی عێراقدا کە توانیویەتی چەندین کارگەی پێشکەوتوو دابمەزرێنن و رکابەری بەرھەمە دەرەکیەکان بکەن و پشت بەتوانای ناوخۆیی ببەسترێت”