ژمارەی تۆماری مووچەخۆران لە سیستمی بایۆمەتری لە هەرێمی كوردستان گەیشتۆتە زیاتر لە 955 هەزار مووچەخۆر.
نەورۆز مستەفا سەرۆكی ژووری عەمەلیاتی سلێمانی لە سیستمی بایۆمەتریراگەیاند: هەرچەندە رێژەی تۆماری مووچەخۆران لە پارێزگاكانی هەرێمی كوردستان گەیشتۆتە زیاتر لە 955 هەزار مووچەخۆر، بەڵام ئەوان تا رۆژی 1ی ئازار بەردەوام دەبن لە تۆماركردنی مووچەخۆران، چونكە ئەگەری هەیە كەسانێك تا ئێستا فۆڕمەكەیان نەگەڕاندبێتەوە.
نەورۆز مستەفا ئاماژەی بۆ ئەوەشكرد: لە رۆژی چوارشەممەی رابردوو دەستكراوە بۆ تۆماركردنی هێزەكانی بەرگری و ئامادە، وتیشی هێزەكانی 70ش فۆڕمیان وەرگرتووە و لە چەند رۆژی داهاتوودا ئەوانیش سەردانی بانكەكان دەكەن بە مەبەستی گەڕاندنەوەی فۆڕمەكان، پرۆسەی تۆماركردنی هێزە ئەمنییەكان و پێشمەرگەش تا رۆژی 1ی ئایار بەردەوام دەبێت.
Kurdish