قوباد تاڵەبانی جێگری سەرۆكی حكومەتی هەرێمی كوردستان، ملیارێك دینار بۆ كڕینی محەویلەو پێداویستییەكانی كارەبای پارێزگای سلێمانی دابیندەكات.
(سیروان محەمەد) وتەبێژی بەڕێوەبەرایەتی گشتی كارەبای سلێمانی، بەتۆڕی هەواڵی سلێمانی راگەیاند، دوای ئەوەی قوباد تاڵەبانی جێگری سەرۆكی حكومەتی هەرێمی كوردستان، لەگەڵ بەڕێوەبەری گشتی كارەبای سلێمانی كۆبووەوەو بڕیاریدا ملیارێك دینار كڕینی پێداویستییەكانی كارەبا خەرج بكرێت، لەئێستاشدا ئیدارەی پارێزگای سلێمانی سەرقاڵی ئامادەكارییە بۆ ئەوەی لەڕێی تەندەرەوە پێداویستییەكانی كارەبا دابین بكرێت.
وتیشی: بڕیارە جگە لەو بڕە پارەیەی حكومەت، بڕێك لە داهاتی بەڕێوبەرایەتی كارەبای سلێمانی بۆ دابینكردنی پێداویستییەكانی كارەبا خەرجبكرێت، كە خۆی لە كڕینی محەویلەی كارەبا و هەندێ كەلوپەلی دیكەدا دەبینێتەوە.
Kurdish