“مەھدی حافز” ئەندامی لیژنەی ئابوری و وەبەرھێنان لە ئەنجومەنی نوێنەرانی عێراق رایگەیاند قەرزەکانی عێراق ١٠٠ ملیار دۆلاری تێپەراندووە.
“مەھدی حافز” ئاماژەی بەوەشکردووە چاکسازیەکانی حکومەت بۆ چارەسەرکردنی کێشە ئابورییەکان بەسستی بەرێوە دەچێت و لە ئاستی پێویستدا نییە.
ئەو ئەندامەی لیژنەی ئابوری و وەبەرھێنان وتوشیەتی، زۆربەی ئەو قەرزانە قەرزی دەرەکین کە لەسەدا شەستی قەرزەکانی سەر عیراق پێکدەھێنن و” ٤٠%” یش قەرزی ناوخۆییە.
بەوتەی ئەو ئەندامەی ئەنجومەنی نوێنەران، ئەو قەرزانە مەترسی بۆسەر دوارۆژی عێراق دروست دەکەن و پێویستە چارەسەرێکی بۆ بدۆزرێتەوە، ئەوەش لەکاتێکدایە کە جگە لە نەوت عێراق داھاتی تری نییە و نەوت بڕبڕەی پشتی بودجەی گشتیی عێراق پێکدەھێنێت.
Kurdish