وەزیری كۆچی كەنەدا ئاشكرایدەكات، وڵاتەكەی لەمساڵدا ژمارەیەكی تری پەنابەری ئێزدی وەردەگرێت، كە لەلایەن داعشەوە ڕووبەڕووی چەوساندنەوە بوونەتەوە.
ئەحمەد حەسەن، وەزیری كۆچی كەنەدا بە ڕۆژنامەنووسانی ڕاگەیاند: 400 ئێزدی ڕزگاربووی دەستی داعش پێشتر گەیشتونەتە كەنەدا‌و بەوانەشەوە هەزار‌و 200 ئێزدی مافی پەنابەریەتییان لەكەنەدا پێدەدرێت.
وەزیری كۆچی كەنەدا وتیشی: داعش كچانی ئێزدی كردە ئامانج، بۆیە سەرنجی حكومەتی كەنەدا بە پلەی یەكەم لەسەر ژنان و كچە ئێزدییەكانە.
وتەكانی وەزیری كۆچی كەنەدا لە كاتێكدایە پەرلەمانی ئەو وڵاتە بڕیاریدا لەماوەی چوار مانگدا پێشوازی لەو ئێزدییانە بكرێت كە لەدەستی داعش ڕزگاریان بووە.
Kurdish