زانیاری یاسایی

 زانیاری یاسایی 

ئاماژە بە خاڵی ( 5 ) لە مادەی ( 19 ) لە پەیڕەوو پرۆگرامی ژوور كە تێیدا باس لە مەرجەكانی پێشكەش كردنی داواكاری بوون بە ئەندام لە ژوور دەكات كە بریتیە لەم    خاڵانە :- 

1.دەبێت بازرگان كاری بازرگانی بكات لە شوێنێكی تایبەت بە كارەكەی .

2.دەبێت بازرگان خەڵكی هەرێمی كوردستان بێت یان دانیشتوی هەرێم بێت .

3.دەبێت بازرگان هەستێت بە تۆماركردنی ناوێكی بازرگانی لە ژووری بازرگانی  بۆ چالاكیە بازرگانیەكەی .

4.دەبێت بازرگان هەستێت بە كردنەوەی حسابێكی بانكی لە یەكێك لە لقە بانكیەكانی كە ڕێگە پێدراون لە هەرێم.

5.دەبێت بازرگان كەسێتی یاسایی ( الاهلیە القانونیە ) هەبێت .

6.دەبێت بازرگان پێشتر حوكم نەدرابێت .

7.دەبێت  دوو ئەندامی ئەنجوومەنی ژوور پشتگیری بازرگان بكەن .

ئاماژە بە مادەی ( 3) لە یاسای دەڵاڵی ژمارە ( 58 ) ی ساڵی 1987 كە تیایدا  باس لە مەرجەكانی پێدانی مۆڵەتی دەڵاڵی دەكات  كە بریتیە لە :-

1.ئەگەر ئەو كەسەی داوای مۆڵەتی دەڵاڵی دەكات كەسێكی گبیعی بێت ئەوا دەبێت :-

أ‌-ڕەگەز نامەی عێراقی بێت  و كەسێتی یاسایی ( الاهلیە القانونیە ) ی هەبێت و تەمەنی 25 ساڵی تەواو كردبێت .

ب‌-حوكم دراو نەبێت  بە تاوانێكی غیر سیاسی  یان مخلە بالشرف .

ت‌-بڕوانامەی سەرەتایی هەبێت بە لایەنی كەمەوە بێجگە لە كەسانەی كە مۆڵەتی كاركردنی پیشەییان هەیە پێش دەرچوونی ئەم یاسایە بە مەرجێك خوێندنەوەو نووسینیان باش بێت .

پ‌-خۆی تەرخان كردبێت بۆ كاری دەڵاڵی لە شوێنێكی تایبەت لەناو عێراقدا .

ج‌-تۆماركردنی ناوێكی بازرگانی .

ح‌-مۆڵەتی كاركردنی پیشەیی هەبێت .

2.ئەگەر كەسەكە كەسێكی معنوی بێت ئەوا دەبێت :-

أ‌-كۆمپانیابێت و بەشدار بووەكانی كۆمپانیاكە عێراقی بن و دانیشتوی عێراق بن و كۆمپانیاكە بە پێی یاسای كۆمپانیاكان تۆماركرابێت .

ب‌-ئەو مەرجانەی تێدا بێت كە لە بڕگەكانی (ح و ج و پ ) خاڵی (1 )  باسی لێوەكراوە .

هاوپێچ :- 

•وێنەیەكی عەرەبی لە خاڵی (5) لە مادەی 19 لە پەیڕەوو پڕۆگرامی ژوور .

•وێنەیەكی عەرەبی لە مادەی 3 لە یاسای دەڵاڵی ژمارە 58 ساڵی 1987.