وەزارەتی كۆچ و كۆچبەرانی عیراق دابەشكردنی مینحەی بەسەر وەجەبەیكی تری خێزانە ئاوارەكاندا راگەیاند.
ئیمان ناجی بەرێوبەری گشتی زانیارییەكان لەوەزارەتی كۆچ و كۆچبەرانی عیراق رایگەیاند: پێدانی مینحەی یەك ملیۆن دینار بەخێزانە ئاوارەكان دەستیپێكرد كەئەو مینحەیە 8 هەزار و 195 خێزانی ئاوارە لەسەرجەم پارێزگاكانی عیراق دەگرێتەوە كەناویان تۆماركراوە و دەتوانن لەرێگەی كارتی زیرەكەوە ئەو بڕە پارەیە وەربگرن.
وتیشی: ئەوە دوانزدەیەمین وەجبەی دابەشكردنی مینحەیە بەسەر خێزانە ئاوارەكان كەبەهۆی شەڕی داعشەوە ناوچەكانی خۆیان بەجێهێشتووە و ئاماژەی بەوەكرد لەماوەی دوو رۆژی رابردوودا وەزارەتی كۆچ و كۆچبەران مینحەی 250 هەزار دیناری بەسەر 172 هەزار و 909 خێزانی ئاوارەی وەجبەی رابردوو دابەشكردووە.
Kurdish