لەشاری سلێمانی سەرۆکی ژووری بازرگانی و پیشەسازی سلێمانی سیروان محەمەد و نەوزاد غەفور جێگری دووەمی سەرۆک و عوسمان فەتاح ئەندامی ئەنجومەنی کارگێڕی ژوور چاویان کەوت بە دکتۆر عومەر سەرقونسوڵی ووڵاتی کوێت و جێگرەکەی.
سیروان محەمەد سەرۆکی ژووری بازرگانی و پیشەسازی سلێمانی ڕایگەیاند” لەسەر داوای قونسوڵی کوێت کۆبونەوەیەکمان لەگەڵیاندا ئەنجامدا بۆ قسەکردن لەسەر پەیوەندیە بازرگانی و پیشەسازیەکان لەنێوان ھەردولادا”
ڕاشیگەیاند” ووڵاتی کوێت داوا دەکات لەشاری سلێمانی کاری وەبەرھێنان بکەن و داوای کردنەوەی پێشانگایەکی تایبەت دەکەن بە وڵاتەکەیان وە ئێمەش زۆر خۆشحاڵبوین و پشتیوانیان دەکەین”
ئاماژەی بەوەشدا” وڵاتی کوێت دەیەوێت پەیوەندیە بازرگانیەکان لەگەڵ بازرگانانی شاری سلێمانی توندو تۆڵ بکەن تابتوانن بەرھەمەکانی وڵاتی کوێت لە شاری سلێمانی ھەبێت و بازرگانان بتوانن سەردانی وڵاتی کوێت بکەنە”
سەرۆکی ژووری بازرگانی و پیشەسازی سلێمانی ئەوەشی ڕاگەیاند ھەموو ھاوکاریەکی ووڵاتی کوێت دەکەین بۆ بەھێز کردنی پەیوەندیەکانی نێوان ھەردولا.
Kurdish