پیسبوونی هه‌وا له پاریسی پایته‌ختی فه‌ڕه‌نسا، بووه هۆی قه‌ده‌غه‌كردنی هاتوچۆی ئۆتۆمبێله مۆدێل نزمه‌كان.
له‌سه‌ر داوای شاره‌وانی، پارێزگای پاریس به‌مه‌به‌ستی كه‌مكردنه‌وه‌ی رێژه‌ی پیسبوونی هه‌وا، بۆ ماوه‌ی چه‌ند رۆژێك چوونه‌ده‌ره‌وه‌ی ئه‌و ئۆتۆمبێل و ئامڕازانه‌ی گواستنه‌وه‌ی قه‌ده‌غه‌كرد كه مۆدێلیان له خوار ساڵی 2001ه‌وه‌یه، چونكه ئه‌و ئۆتۆمبێلانه هۆكارن بۆ زیاتر پیسبوونی هه‌وا.
له به‌شی باكووری شاری پاریسی پایته‌ختی فه‌ره‌نسا له مانگی كانوونی یه‌كه‌می 2016ه‌وه تا ئێستا پیسبونی هه‌وا به‌رده‌وامه و ئه‌وه‌ش به‌رپرسانی شاره‌كه‌ی ناچاركردووه ئه‌و بڕیار ده‌ربكه‌ن به ئامانجی كه‌مكردنه‌وه‌ی هۆكاره‌كانی پیسبوونی هه‌واو و هه‌ر خاوه‌ن ئۆتۆمبێلێكیش پابه‌ندنه‌بێت به بڕیاری شاره‌وانی پاریس و ئۆتۆمبێلی مۆدێل نزم بباته ده‌ره‌وه ئه‌وا به بڕی 135 یۆرۆ سزا ده‌درێت.
Kurdish