به‌مه‌به‌ستی باش به‌كارهێنانی ئاوی ژێر زه‌وی و هۆشیاركردنه‌وه‌ی كۆمه‌ڵگا، به‌ڕێوه‌به‌رایه‌تی گشتی سه‌رچاوه‌كانی ئاو به‌ئاماده‌بوونی وه‌زیری كشتوكاڵ و چه‌ندین كه‌سی پسپۆڕ ۆركشۆپێكی ئه‌نجامدا و بڕیاردرا له‌دوای گفتوگۆیه‌كی ورد لیژنه‌یه‌ك بۆبه‌دواداچوون و لێكۆڵینه‌وه له خراپی به‌كارهێنانی ئاو پێكبهێنرێت و رێگه چاره‌یه‌كیشی بۆ بدۆزرێته‌وه.
له‌لایه‌ن خۆشیه‌وه عه‌بدولستار مه‌جید وه‌زیری كشتوكاڵ و سه‌رچاوه‌كانی ئاوی هه‌رێم ڕایگه‌یاند كه مه‌ترسی له‌سه‌ر ئاوی ژێر زه‌وی دروستبووه و له‌ئیستادا چه‌ندین كانی و بیر وشك بوون.
وه‌زیری كشتوكاڵ هۆكاری دروستبوونی مه‌ترسیه‌كانی سه‌رئاوی ژێر زه‌وی بۆ خراپی به‌كارهێنانی ئاو گه‌ڕانده‌وه‌وه و ئاماژه‌ی به‌وه‌شكرد: ته‌نها له‌شاری هه‌ولێر نزیكه‌ی نۆ هه‌زار و 500 بیر به‌نایاسایی لێدراون كه كاریگه‌ریه‌كی خراپی له‌سه‌ر ئاوی ژێر زه‌وی درووستكردووه.
Kurdish