سەرچاوەیەكی بەرپرس لەكۆمپانیای نەوتی باكوور ئاشكرایكرد، هەناردەی نەوتی كەركوك بۆ بەندەری جەیهانی توركیا بۆ 125 هەزار بەرمیلی رۆژانە زیادیكردوەو كۆی گشتی بەرهەمهێنانیش بۆ 415 هەزار بەرمیلی رۆژانە بەرزبۆتەوە.
ماڵپەڕی (سۆمەریەنیوز) لەزاری ئەو سەرچاوەوە بڵاویكردۆتەوە كە هەناردەی نەوت لەرێگەی بۆرییەكانی هەرێمی كوردستانەوە بۆ بەندەری جەیهانی توركیا بۆ 125 هەزار بەرمیلی رۆژانە بەرزبۆتەوە، ئەوەش لە كاتێكدایە كە پێشتر رۆژانە 100 هەزار بەرمیلی هەناردەكردوە، ئاماژەی بەوەشكردوە كە هەناردەی نەوت بەجێگری و بێ كێشە ماوەتەوەو كۆمپانیای نەوتی باكوریش لە هەوڵی بەردەوامدایە بۆ ئەوەی هەناردەكردنی زیاتر بكات.
سەرچاوەكە ئەوەشی رونكرۆدتەوە، رۆژانە لەكێڵگەی باباگوڕگوڕ و كەركورك 165 هەزار بەرمیل نەوت بەرهەمدێت و لە كێڵگەكانی بای حەسەن و هاڤاناش 250 هەزار بەرمیلی رۆژانە بەرهەمدێت و لەلایەن وەزارەتی سامانە سروشتیەكانی هەرێمی كوردستانەوە بەڕێوەدەبرێت و بەو شێوەیەش كۆی بەرهەمی ئەو كێڵگانە بۆ 415 هەزار بەرمیلی رۆژانە زیادیكردوە.
Kurdish