به‌رێوه‌به‌رابه‌تی گشتی كاره‌بای سلێمانی، به پرۆژه‌یه‌ك كاره‌بای نیشتیمانی بۆ هه‌ر ماڵێك ده‌كاته‌وه به 20 ئامپێر و رۆژانه‌ش له نێوان 12 بۆ 14 كاتژمێر كاره‌بای نیشتیمانی هه‌یه.
تێچووی دانانی جۆزه 20 ئامپێریه‌كه‌ش له لایه‌ن كۆمپانیاوه 19 هه‌زار دیناره و سه‌رۆكی لیژنه‌ی وزه و سوته‌مه‌نی له پارێزگای سلێمانی سه‌ره‌رای چه‌ندین ره‌خنه ده‌ڵێت 50 هه‌زار به‌كارهێنه‌ری كاره‌با له سلێمانی به‌شیوه‌ی زیاده‌رۆیی بوونی هه‌یه كه هیچ جۆره پێوه‌ریكی كاره‌بایان نیه.
لە پارێزگای سلێمانی و هەلەبجە و ئیدارەی گەرمیان نیزیکەی ٥٣٠ هەزار بەکارهێنەری کارەبا هەیە و بریارە دابەش بکرێت بۆ ٩ بەش و هەربەشێکیش بەتەندەر بدرێت بەکۆمپانیایەک، کەئەم پرۆژەیە ئیدارەی گەرمیان ناگرێتەوە.
دۆخی کارەبای سلێمانی بەجۆریک خراپە کە لەسەدا سی ٣٠% هاوڵاتیان لە ٤٨ کاتژمێردا کەمتر لە ٥ کاتژمێر کارەبای نیشتیمانیان هەیە بەهۆی سوتانی محاویکەو سەرە محاویلەوە زۆرترین کارەبای نیشتمانی لە رۆژدا لە ٧ کاتژمێر تێناپەریت.
Kurdish