سەرلەبەیانی ئەمڕۆ (سێشەممە) نرخی نەوت گەیشتە ئاستێكی بەرز و هەر بەرمیلێكی جۆری برێنت لە 50 دۆلار نزیكبۆتەوە.
چاوەڕوان دەكرێت لە كۆبونەوەی رۆژی 30ی ئەم مانگەدا، وڵاتانی ئەندامی ئۆپیك بگەنە رێككەوتن لەسەر كەمكردنەوەی بەرهەمهێنان و هەناردەكردنی نەوت، ئەوەش وایكردوە نرخی نەوت لە بەرزبونەوەی بەردەوامدا بێت و ئەمڕۆش گەیشتە ئەو ئاستەی، كە لە مانگی 10ەوە بەخۆیەوە نەبینیوە.
لەو چوارچێوەیەدا سەرلەبەیانی ئەمڕۆ نرخی یەك بەرمیل نەوتی خاوی جۆری برێنت بەرزبۆتەوە بۆ 49 دۆلار و 46 سەنت.
هەروەها نرخی یەك بەرمیل نەوتی خاوی خۆرئاوای تەكساسی ئەمریكاش بە هەمان شێوە بەرزبونەوەی تۆماركردوە و بۆتە 48 دۆلار و 80 سەنت.
Kurdish