دۆباڵد ترەمپ دوای هەڵبژاردنی وەک جل‌و پێنجهەمین سەرۆکی ئەمریکا وتارێکی لەنیورۆک پێشکەش کردو بەڵێنی بەهەموو ئەمریکیەکاندا ببێتە سەرۆکی هەموویان باری ئابووریان باشتر بکات.
وتیشی چاکسازی لەفەرمانگەکانی ئەمریکا دەکات‌و گەشە بەئابوری وڵات دەدات‌و ژێرخانی ئابووری وڵاتەکەی بنیات دەنێتەوە، بەڵام هەڵبژاردنی ترامپ بەسەرۆکی نوێی ئەمریکا بازاڕە دارایەکانی توشی شڵەژان کردوە، پێنوێنی بەشێکی زۆری بۆرسەکانی جیهان بەڕەنگی سورەوە کرانەوە بەجۆرێک بۆرسەی داوجۆنس‌و ناسداکی ئەمریکی بۆرسەی ئەوروپی داکسی ئەڵمانی بۆرسەی لەندەن‌و بۆرسەی وڵاتانی عەرەبی زۆربەی بۆرسەکانی جیهان لەکاتی کردنەوەی بازاڕەکاندا بە دابەزین دەستیان پێ کرد.
دۆلاری ئەمریکی دوای هەڵبژاردنی ترامپ بەشێک لەبەهای خۆی لەدەستدا و لەبەرمبەر یانی ژاپۆنی بەرێژەی لەسەدا دوو پۆینت شەش و لەبەرامبەر فرانکی سویسری بەرێژەی لەسەدا یەک پۆینت شەش دابەزی، بەرێژەی لەسەدا یەک پۆینت هەشتیش لەبەرامبەر یۆرۆی ئەوروپی دابەزی.
هاوکات پیسۆی مەکسیکی لەبەرامبەر دۆلار ئەمریکی لەسەدا سیانزەی ١٣% بەهاکەی لەدەستدا ئەمەش دوای ئەوە دێت دۆناڵد ترەمپ لەکاتی هەڵمەتی هەڵبژاردنەکاندا بەڵێنی دابوو کە ئەگەر ببێتە سەرۆکی ئەمریکا دیوارێکی کۆنکرێتی لەسەر سنوری وڵاتەکەی‌و مەکسیک دورست دەکات بۆ ئەوەی رێگری لەمافیاکانی مەکسیک بکات کەبەئاسانی نەتوانن لەسنورەکان هاتوچۆ بکەن.
هەروەها داوای هەڵبژاردنی ترامپ وەک سەرۆکی ئەمریکا نرخی نەوت بەرێژەیەکی زۆر پاشەکشەی کرد نرخی یەک بەرمیل نەوتی تەکساس بەرێژەی لەسەدا چوار ٤% دابەزی‌و بە ٤٣ دۆلار مامۆڵەی پێوەکرا نرخی یەک بەرمیل نەوتی برێنتیش لەدوای دابەزینی بەرێژەی لەسەدا ٣% ، بەنزیکەی ٤٥ دۆلار فرۆشرا بەڵام دوای هێوربونەوەی بازاڕەکانی جیهان نرخی نەوت جارکی تر بەرزبۆوە بۆ سەرو ٤٦ دۆلار.
لەگەڵ ئەوەی هەڵبژاردنی دۆناڵد ترەمپ زیانیکی زۆری بە بازاڕە دارایەکان گەیاند بەڵام بازاری زێری گەرم کرد و بەشێکی زۆر لەوەبەر‌هێنەران ڕویان لەکڕینی ئەو کانزا گران بەهایە کرد کە بەپەناگەی ئارام دادەنرێت بۆ پاراستی سەرمایەی بازرگانان، بەو هۆیەشەوە نرخی یەک ئۆنس زێر لەسەدا پێنج ٥% بەرز بۆوە بە ١٣٣٧ دۆلار مامۆڵەی پێوەکرا ئەمەش بە بەرزترین نرخی زێر دادەنرێت لەدوای ڕاپرسیەکەی بەریتانیا بۆ چونەدەوەرەوەی لەیەکێتی ئەورپا.
Kurdish