نرخی نەوتی خاو لە بازاڕەكانی جیهاندا بەرەو جێگیربونەوە دەچێت، دوای ئەوەی بۆ ماوەی چەند رۆژێك بەهۆی هەڵبژاردنەكەی ئەمەریكاوە، دابەزینێكی بەرچاوی بەخۆوە بینی.
ئاژانسەكانی هەواڵی جیهان بڵاویان كردەوە، هەرچەندە ماوەی چەند رۆژێكە نرخی نەوتی خاو بەڕێژەی (4%) دابەزینی تۆمار كرد، سەرلەنوێ نرخی نەوت بەرەو هەڵكشان و جێگیربون دەچێت.
چاودێرانی بۆرسەكانی جیهان ئاماژەیان بەوە كردوە: پاش هەڵبژاردنی دۆناڵد ترەمپ بە سەرۆكی نوێی ئەمەریكا، بازاڕەكانی نەوت جۆرێك لە پشێوییان تێكەوت، بەو هۆیەشەوە نرخی نەوت بۆ خوار (43) دۆلار دابەزی.
ئاماژەیان بەوەشکردوە، لە ماوەی (24) سەعاتی رابردودا سەرلەنوێ نرخی نەوتی خاو بەرەو بەرزبونەوە چوە‌و چاوەڕوانیش دەكرێت لە چەند رۆژی داهاتودا بەرزبونەوەی زیاتر بەخۆیەوە ببینێت.
ئەوەش لە كاتێكدایە، لە چەند هەفتەی رابردودا، نرخی بەرمیلێك نەوتی خاو، گەیشتە سەروی (53) دۆلاری ئەمریكی، كە ماوەی دو ساڵ بو، بەردەوام نرخەكەی لە دابەزیندابوە.
Kurdish