نرخی زێڕ ئه‌مڕۆ نزیكه‌ی له‌سه‌دا پێنج به‌رزبویه‌وه، هاوكات له‌گه‌ڵ سه‌ركه‌وتنه‌كانی دۆناڵد تره‌مپ كاندیدی كۆماریيه‌كان له‌چه‌ند ویلایه‌تێكی یه‌كلاییكه‌ره‌وه‌دا به‌سه‌ر هیلاری كلینتن كاندیدی دیموكراتیه‌كانی ركابه‌ریدا بۆ گه‌یشتن به كۆشكی سپی .
به‌پێی رۆیته‌رز، ئه‌مڕۆ نرخی زێڕ به‌رێژه‌ی له‌سه‌دا 4.9 به‌رزبۆته‌وه و نرخی هه‌ر ئۆنسه‌یه‌ك گه‌شتووه‌ته 1337.40 دۆلار بۆ هه‌ر ئۆنسه‌یه‌ك.
به‌گوێره‌ی رای چاودێران و شیكه‌ره‌وان، سه‌ركه‌وتنی تره‌مپ نائارامی ئابوری و جیهانی لێده‌كه‌وێته‌وه، كه وه‌به‌رهێنان ناچارده‌كات په‌نا بۆ زێڕ به‌رن هه‌ربۆیه نرخی زێڕ به‌رزبۆته‌وه.
له 24ی مانگی ته‌مموزدا له‌دوای ئه‌وه‌ی به‌ریتانیا بریاریدا كه له‌یه‌كێتی ئه‌وروپا بكشێته‌وه، نرخی زێڕ گه‌وره‌ترین ئاستی له‌یه‌ك رۆژدا تۆماركرد نرخه‌كه‌ی به‌رێژه‌ی له%8 به‌رزبویه‌وه.
Kurdish